АҚШ элчихонаси сентябрдан декабрь ойигача ноиммиграцион визалар бўйича суҳбатлар ва аризаларни рўйхатдан ўтказиш учун жойлар очилганини эълон қилди.
Рўйхатга олиш ҳар сешанба ва пайшанба кунлари соат 16:00 да бўлиб ўтади.
Онлайн суҳбат учун учрашув тайинлашдан олдин сиз виза анкета тўлдиришингиз керак.
АҚШ туристик визаси 12 ой муддатга амал қилади.
Элчихонанинг маълум қилишича, айни дамда июль-август ойлари учун жойлар сони чекланган ва деярли тўлган.
Аввал хабар берганимиздек, 17 июндан АҚШга ташриф буюришни хоҳловчи фуқаролар учун виза тўловлари оширилади. Сайёҳлик визасига, шунингдек, петиция асосидаги ноиммиграцион визага мурожаат қилиш учун тўлов 160 доллардан 185 долларгача ошади.