Аргентина терма жамоаси ҳужумчиси Лионель Месси Хитойга етиб келганида аэропортда бир неча соат ушлаб қолинди, деб хабар бермоқда sport.es.
Порталнинг ёзишича, Месси мамлакатга Аргентина паспорти билан эмас, балки испан паспорти билан кирмоқчи бўлган. Футболчига миграция хизмати махсус ва шошилинч ҳолат сифатида виза бергунига қадар аэропортда тахминан икки соат кутишга тўғри келган.
Месси Хитойга Австралияга қарши ўртоқлик ўйинида иштирок этиш учун борган. Ўйин 15 июнь куни Пекинда бўлиб ўтади.
