Жорий йилнинг 12 июнь куни соат тахминан 07:00 атрофида Шаҳрисабз шаҳар ҳудудидан ўтувчи "Шаҳрисабз-Китоб" автомобиль йўлида ҳайдовчи Х.Х. Damas автомашинасида Сагдий кўчаси чорраҳасидан қайрилиб олаётган вақтида қарама-қарши томондан ҳаракатланиб келаётган ҳайдовчи Й.Ғ. бошқарувида бўлган Nexia автомашинаси билан тўқнашиб йўл-транспорт ҳодисаси содир этган. Бу ҳақда Қашқадарё вилояти ИИБ Ахборот хизмати хабар берди.
ЙТҲ натижасида Damas автомашинасининг электр симларида қисқа туташув бўлиб транспорт воситасида ёнғин келиб чиққан.
Натижада Damas автомашинасининг йўловчиси тан жароҳати олиб шифохонага ётқизилган.
Ҳозирда мазкур ҳолат юзасидан суриштирув ҳаракатлари олиб борилмоқда.