Сурхондарё вилояти Олтинсой туманининг "Яккатут" маҳалласидаги фермер хўжалиги раҳбари Ў.Т. фермер хўжалиги ер майдонида ўсиб турган кўп йиллик 8 туп элдор қарағайи дарахтини фуқаро А.С. га 5 млн сўмга сотганлиги аниқланган.
Бу ҳақда Сурхондарё вилояти Экология бошқармаси Матбуот хизмати маълум қилди.
Аниқланишича, келишувга асосан, А.С. ўсувчанлигини йўқотмаган кўп йиллик ноёб дарахт турларига кирувчи 8 туп элдор қарағай дарахтларини таг қисми билан кесиб олган.
Тўпланган ҳужжатлар асосида ҳисоб-китоб қилинганда, табиатга жами 551 миллион 100 минг сўм зарар етказилган.
Аниқланган ҳолат юзасидан ҳужжатлар расмийлаштирилиб, ҳуқуқни муҳофаза қилиш органларига тақдим этилган.