Аввалроқ, ижтимоий тармоқда бир аёлни поезд уриб кетгани ҳақида видеотасвир тарқалди. Ҳолат юзасидан ИИВ Транспорт ва туризм объектларида хавфсизликни таъминлаш департаменти UzNews.uz сўровига асосан маълумот берди.
Маълум қилинишича, ҳодиса 2023 йил 4 июнь куни соат тахминан 06:20 ларда содир бўлган.
Олмазор темир йўл бекатининг 3421 км 10-тўсиғида шаҳарлараро қатновчи 6453-сонли “Ховос-Тошкент” йўналишида ҳаракатланган электропоезд 1987 йилда туғилган С.М. исмли фуқарони ўзининг эҳтиётсизлиги оқибатида уриб кетган.
Фуқаро олган тан жароҳатлари оқибатида воқеа жойида вафот этган.