Жорий йилнинг 1 июнь куни Самарқандда мактабнинг 4 нафар 11-синф ўқувчилари 4-қават деразасидан тушиб кетган ёш қизалоқни қутқариб қолган.
Ёшлар ишлари агентлиги йигитларни тақдирлаб, 4 та ноутбук ва ўқишга киришда қўшимча дарслар ҳамда хорижий тилларни ўрганишдаги харажатларини қоплаб беришни ваъда қилган.
ФВВ Матбуот хизматининг хабарига кўра, бугун, 9 июнь куни Самарқанд вилоят ФВБ бошлиғи ёшлар билан учрашиб, Фавқулодда вазиятлар вазирининг "Фахрий ёрлиғи" ва миннатдорчилигини етказган. Шунингдек, эсдалик совғалари билан ҳам тақдирлаган.
