Президент матбуот хизмати хабарига кўра, саммит учрашувлари Римда бўлиб ўтади. Давлат раҳбари Италия президенти Сержио Маттарелла ва бош вазир Жорж Мелони билан музокаралар ўтказади.
Шунингдек, Ўзбекистон-Италия кўп қиррали муносабатларини ва устувор йўналишларда амалий ҳамкорликни янада ривожлантиришнинг долзарб масалалари кўриб чиқилади. Халқаро кун тартиби юзасидан фикр алмашилади.
Бундан ташқари, президент қароргоҳи Италия пойтахтида жойлашган БМТнинг озиқ-овқат ва қишлоқ хўжалиги ташкилоти бош директори Ку Донгю билан учрашади.
Озиқ-овқат хавфсизлигини таъминлаш соҳасидаги ҳамкорликнинг муҳим жиҳатлари муҳокама этилиши кўзда тутилган.
Ташрифнинг ишбилармонлик дастури Миланда бўлиб ўтади – президент Ломбардия провинцияси губернаторини қабул қилади, Италиянинг етакчи компания ва ташкилотлари раҳбарлари билан давра суҳбати ўтказади.
