Эртага, 7 июнь куни соат 07:00 дан 8 июнь соат 08:00 га қадар Мирзо Улуғбек ва Яшнобод туманларида қуввати 6300 кВА бўлган куч трансформаторининг қувватини 10000 кВА қувватга алмаштириш ишлари олиб борилади. Бу ҳақда “Ҳудудий электртармоқлари” АЖ Матбуот хизмати хабар берди.
Шу сабабли, мазкур вақт ичида қуйидаги ҳудудларда электр таъминоти бўлмайди:
Яшнобод тумани: “Жарбоши” МФЙнинг Абай, Серикбаев кўчалари ҳамда “Ташисти” МФЙнинг Иқбол ва Тузел кўчалари;
Мирзо Улуғбек тумани: “Чингелди”, “Темурийлар”, “Иқтидор”, “Геофизика”, “Ижодкор”, “Пасткиюз”, “Геологлар”, “Сарбон”, “Гулзоробод” ҳамда “Алишеробод” МФЙлари.