Тошкент шаҳар ИИББ ЙҲХБ Матбуот хизматининг хабарига кўра, жорий йилнинг 6 июнь куни соат 15:20 ларда Мирзо Улуғбек тумани Дўрмон йўли - Ғазалкент кўчалари кесишган чорраҳасида 1958 йилда туғилган Л.С. бошқарувида бўлган электробус ҳамда 2003 йилда туғилган Й.Ф. бошқарувидаги Cobalt иштирокида йўл-транспорт ҳодисаси содир бўлган.
ЙТҲ натижасида, Cobalt автомашина ҳайдовчиси ва бир нафар йўловчиси олган тан жароҳатлари cабаб тиббий муассасага олиб борилган. Бироқ тиббиёт ходимларининг саъй-ҳаракатларига қарамасдан ҳайдовчи вафот этган.
Мазкур ҳолат юзасидан ЖКнинг 266-моддаси 2-қисми билан жиноят иши қўзғатилган. Тергов давом этмоқда.
