Олий даражадаги музокаралар якунлангач, Ўзбекистон президенти Шавкат Мирзиёев ва Қатар Давлати Амири шайх Тамим бин Ҳамад Ол Соний ҳузурида савдо-иқтисодий, инвестициявий, маданий-гуманитар ва бошқа соҳалардаги ҳамкорликни ривожлантириш ва мустаҳкамлашга қаратилган 15 та икки томонлама ҳужжатни имзолаш маросими бўлиб ўтди.
Қатарнинг етакчи компаниялари энергетика, газ-кимё саноати, қишлоқ хўжалиги, инфратузилма, логистика, туризм ва бошқа тармоқларда умумий қиймати 12 млрд доллардан зиёд йирик инвестиция лойиҳаларини амалга оширишда иштирок этиши юзасидан келишувга эришилди.
Жумладан, қуйидагилар қабул қилинди:
– Инвестицияларни ўзаро рағбатлантириш ва ҳимоя қилиш тўғрисида ҳукуматлараро битим;
– Икки томонлама солиққа тортишнинг олдини олиш ҳамда даромад ва мулк солиқларини тўлашдан бош тортишни бартараф қилиш тўғрисида ҳукуматлараро битим;
– Божхона ишларида ўзаро кўмак кўрсатиш тўғрисида ҳукуматлараро битим;
– Меҳнат муносабатлари соҳасида ҳамкорлик тўғрисида ҳукуматлараро битим;
– Дипломатик паспорт эгаларини виза талабларидан озод этиш тўғрисида ҳукуматлараро битим;
– Олий таълим ва илмий тадқиқотлар соҳасида ҳамкорлик тўғрисида ҳукуматлараро меморандум;
– Маданият соҳасида ҳамкорлик тўғрисида ҳукуматлараро меморандум;
– Савдо соҳасида ҳамкорлик тўғрисида меморандум;
– Қишлоқ хўжалиги ва озиқ-овқат соҳасида ҳамкорлик тўғрисида меморандум;
– Ўсимликлар карантини ва ҳимояси соҳасида ҳамкорлик тўғрисида меморандум;
– Спорт ва ёшлар ишлари соҳасида ҳамкорлик тўғрисида меморандум;
– Тошкент ва Доха шаҳарлари ўртасида ҳамкорлик тўғрисида меморандум.
Шунингдек, ташқи ишлар ва адлия вазирликлари ўртасида 2023-2025 йилларга мўлжалланган ҳамкорлик дастурлари ҳамда Устувор инвестиция лойиҳаларини молиялаштириш учун қўшма платформа яратиш тўғрисида келишув имзоланди.
![](https://api.uznews.uz/storage/uploads/posts/temporary/caGD4u2GtlUy1foLpyz2.png)
![](https://api.uznews.uz/storage/uploads/posts/temporary/a8vyUdbuucuhpYrBH6mJ.png)
![](https://api.uznews.uz/storage/uploads/posts/temporary/LDX7ArrqjrmI99o5JmZQ.png)
![](https://api.uznews.uz/storage/uploads/posts/temporary/U4QbkjxcFXKei8rILGkz.png)
![](https://api.uznews.uz/storage/uploads/posts/temporary/NNHSILtpgeUYiNzepFOi.png)
![](https://api.uznews.uz/storage/uploads/posts/temporary/8DpyaRjPHouVAoeMNRYi.png)
![](https://api.uznews.uz/storage/uploads/posts/temporary/2eTo0Pqn0ZsmWg4fFa2q.png)
![](https://api.uznews.uz/storage/uploads/posts/temporary/600p8GJ7M9Ya7JHlsjZO.png)
![](https://api.uznews.uz/storage/uploads/posts/temporary/9FsvZs2AFvAcvJnVus5A.png)