Президент Шавкат Мирзиёев амалий ташриф билан Чўлпонота шаҳрига борди.
Аэропортда давлат раҳбарини Қирғиз Республикаси Вазирлар Маҳкамаси Раиси - президент Администрацияси раҳбари Ақилбек Жапаров ва бошқа расмий шахслар кутиб олди.
Бугун Чўлпонотада иккинчи "Марказий Осиё – Европа Иттифоқи" саммити бўлиб ўтади. Унинг кун тартибидан минтақа мамлакатларининг Евроиттифоқ билан конструктив мулоқотини янада ривожлантириш ва амалий ҳамкорлигини кенгайтириш масалалари ўрин олган.