Бугун, Боку шаҳрида таэквондо WT бўйича жаҳон чемпионатининг тўртинчи кун беллашувлари бўлиб ўтди.
Унга кўра, таэквондочи Светлана Осипова жаҳон чемпионатида +73 кг вазн тоифасида кумуш медални қўлга киритди.
Ҳамюртимиз муросасиз кечган ҳал қилувчи беллашувда туркиялик Нафия Кугага 1:2 ҳисобида имкониятни бой бериб, кумуш медалга сазовор бўлди.
Таъкидлаш жоизки, шу пайтгача ўзбек спортида ҳеч бир таэквондочи қизимиз кетма-кет икки бор жаҳон чемпионатларининг финалига йўл олмаган эди. Ушбу натижа орқали Осипова жаҳон ва Париж-2024 Олимпиадаси рейтингидаги ўрнини янада мустаҳкамлаб олмоқда.
