ИИВ Матбуот хизматининг хабарига кўра, ДХХ ходимлари билан ҳамкорликда тезкор суриштирувлар олиб борилган.
Аниқланишича, 1983 йилда Тошкент шаҳрида туғилган Г.Д. Туркияга бориб, у ерда “Тавҳид ва жиҳод катибаси” террорчилик ташкилоти ёлловчиларининг таъсирига тушиб қолган.
Шунингдек, айланма йўллар орқали Сурияга ўтиб, ушбу ташкилот сафига қўшилган. Ҳозирда жанговар ҳаракатларда қатнашиб келаётганлиги маълум бўлган.
Мазкур ҳолат юзасидан ЖКнинг 244-2-моддаси билан жиноят иши қўзғатилган.
