Иқтисодиёт ва молия вазирининг "Алкоголли маҳсулотларнинг энг кам улгуржи ва чакана нархларини қайта кўриб чиқиш тўғрисида"ги буйруғига асосан 1 июндан бошлаб алкоголли маҳсулотларнинг (пиводан ташқари) қуйидаги энг кам улгуржи ва чакана нархлари белгиланади:
1. Вино (1 литр тайёр маҳсулот учун сўмда):
ишлаб чиқариш корхоналарининг энг кам улгуржи ва сотиш нархи: 14 400 сўм;
минимал чакана нархи: 16 400 сўм.
2. Коньяк (1 литр тайёр маҳсулот учун сўмда):
ишлаб чиқариш корхоналарининг энг кам улгуржи ва сотиш баҳоси: 57 400 сўм;
минимал чакана нархи: 66 000 сўм.
3. Ароқ ва бошқа алкоголли маҳсулотлар (1 литр тайёр маҳсулот учун сўмда):
ишлаб чиқариш корхоналарининг энг кам улгуржи ва сотиш баҳоси: 37 000 сўм;
минимал чакана нархи: 43 000 сўм.
Белгиланган энг кам улгуржи ва сотиш нархлари ўртача 20 фоизга, чакана нархлар эса 16 фоизга ошгани қайд этилган.
Ўзгартиришлар жорий йилнинг 1 июнидан кучга киради.
