Жорий йилнинг 27 май куни соат 21:16 атрофида Қарши шаҳар ФВБга Қарши шаҳри Ислом Каримов кўчасида жойлашган “Elbro” кафеси ёнаётганлиги тўғрисида хабар келиб тушган.
Хабарга кўра, 2 та ёнғин-қутқарув бўлинмаси воқеа жойига жалб қилиниб, соат 21:21да ҳодиса жойига етиб борган. Ёнғин тўлиқ соат 21:56 атрофида ўчирилган.
Аниқланишича, ёнғиндан кафенинг 80 метр квадрат майдондаги ички қисми ва ошхона жиҳозлари зарарланган.
Ҳозирда ёнғин сабаблари ва зарари аниқланмоқда.