Самарқанд вилояти ИИБ Ахборот хизматининг хабарига кўра, 2023 йил 13 май куни соат тахминан 15:30 ларда Самарқанд шаҳар "Рудакий" маҳалласи ҳудудидан ўтувчи "Беруний-Гагарин" йўналишидаги автомобиль йўлида Isuzu русумли автобус ҳайдовчиси автобусни бошқариб бораётган вақтида, йўлдан ҳаракатланиб ўтаётган 2004 йилда туғилган 59-сон "Нурли маскан" мактаби ўқувчиси Қ.Д.ни уриб юборган.
Натижада, Қ.Д. шифокорлар томонидан кўрсатилган тиббий ёрдамларга қарамасдан 2023 йил 15 май куни шифохонада вафот этган. Мазкур ҳолат юзасидан ЖКнинг 266-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.