Жорий йил март ойида "Яшил Энергия" МЧЖ ижтимоий соҳа объектлари ва давлат идораларида қуёш панелларини ўрнатиш учун қарийб 2 трлн сўмлик танлов ўтказган.
Унга кўра:
Лойиҳанинг умумий қуввати 219,4 МВт бўлиб қуйидаги 6 та лотга бўлинган:
—Андижон, Наманган ва Фарғона вилоятлари – 33,8 MVt;
—Самарқанд, Навоий ва Бухоро вилоятлари – 33,3 MVt;
Энергетика вазирлиги Ахборот хизматининг маълум қилишича, қуёш электр станцияларини ўрнатиш учун ўтказилган мазкур танлов натижалари бекор қилинган.
Ушбу танловда қайта тикланувчи энергия манбалари қурилмаларини ўрнатиш бўйича 18 та компания иштирок этган ва мазкур лойиҳа аҳоли ва давлат манфаатларини тўлиқ ҳимоя қилишини инобатга олган ҳолда амалга оширилиши кўзда тутилган.
Қайд этилишича, танлов натижалари бўйича ютган компаниялар билан тузилган шартномалар мазкур компаниялар томонидан шартнома шартлари бажарилмаганлиги сабабли бекор қилинган.
Ҳозирги кунда ажратилган маблағларни инобатга олиб, умумий қуввати 2,5 MVtга тенг бўлган қуёш фотоэлектр станцияларини қуриш бўйича янги танлов эълон қилинган.
Кейинги босқичда ушбу йўналишдаги лойиҳаларнинг асосий қисмини молиялаштириш халқаро молия институтлари маблағлари ҳисобидан амалга оширилиши кўзда тутилган бўлиб, ҳозирда бу йўналишда музокаралар олиб борилмоқда. Бу эса лойиҳаларнинг нархини пасайтириш ва уларнинг сифатли амалга оширилишида муҳим аҳамиятга эга,- дейилади хабарда.