Куни кеча Наманган шаҳардаги "Бобур" боғига айлангани келган мактаб ўқувчиларидан бири жиддий жароҳат олиб ҳалок бўлгани ҳақидаги хабар ижтимоий тармоқларга сиздирилди. Ушбу ҳолат юзасидан Бош прокуратура ахборот хизмати раҳбари Хаёт Шамсутдинов изоҳ берди.
Жорий йилнинг 14 май куни соат 11:30 атрофида 12 ёшли бола Наманган шаҳардаги истироҳат боғидаги аттракционда айланган вақтида бош қисмидан тан жароҳати олиб вафот этган.
Мазкур ҳолат юзасидан прокуратура томонидан ЖКнинг 257-моддаси (меҳнатни муҳофаза қилиш қоидаларини бузиш) билан жиноят иши қўзғатилган.
Наманган шаҳар ИИО ФМБ тергов бўлими томонидан тергов ҳаракатлари олиб борилмоқда.