Тошкентда бўлиб ўтаётган бокс бўйича жаҳон чемпионатининг ярим финал босқичида Ўзбекистон терма жамоасини ҳимоя қилаётган Баҳодир Жалолов испаниялик Аюб Гадфа Дриссига қарши рингга кўтарилиши керак эди. Бироқ ўзбекистонлик боксчи жанг ўтказмасдан финал йўлланмасини қўлга киритди.
Аниқланишича, +92 кг вазн тоифасида Баҳодир Жалоловга қарши жанг қилиши кўзда тутилган испаниялик Аюб Гадфа Дрисси жароҳати сабабли рингга чиқа олмаслигини билдирган. Шу тариқа, Жалолов тўғридан-тўғри финалга йўл олди.
