Бош прокуратура бошқарма катта прокурори Э.А. ҳамда Учтепа тумани прокуратураси терговчиси А.Д.лар ҳибсга олинди. Бу ҳақда Бош прокуратура Матбуот хизмати хабар бермоқда.
Маълум қилинишича, уларга нисбатан жорий йил 6 май куни Жиноят кодексининг 168 (фирибгарлик) ва 28, 211 (пора бериш) моддалари билан жиноят иши қўзғатилган. Жиноят иши бўйича гумонланувчилар процессуал тартибда ушланди.
“Ҳозирда тергов ҳаракатлари олиб борилмоқда. Терговга аралашиш ва тўсқинлик қилиш ҳолатларининг олдини олиш мақсадида бошқа тафсилотлар ошкор қилинмайди”, - дейилади хабарда.