Маълум бўлишича, Усмон Мелиев исмли ўзбекистонлик эркак Мосвкада 15 йилдан бери кўп қаватли уйлардан бирида чиқинди тозловчиси сифатида ишлайди. Куни кеча, унга телефон қилишиб, шу ерда яшовчи аёл сумкасини чиқинди қувурига ташлагани, аммо сумкада 5 млн рубль ҳам борлигини айтган ва ундан ёрдам сўрашган.
Шундан сўнг, Усмон Мелиев ўзининг дўсти билан уч соат мобайнида чиқинди қувурини қараб, сумкани топган ва пулларни эгасига қайтариб берган. Маълум қилинишича, Усмон 15 йил ичида бир неча бор қимматли нарсаларни топган ва эгаларига қайтариб берган.
"Ўзбекистонда мени оилам кутмоқда. Қизим ва ўғлим аллақачон мактабга чиқишган. Мен ҳар доим улар учун намуна қилишга ҳаракат қиламан", - дейди у.