5—7 май кунлари республикада ёмғир ёғиши, тоғ олди ва тоғли жойларда кучли бўлиши ҳақида аввалроқ хабар бергандик.
Бугун, 5 май куни Термиз шаҳрида бир неча соатдан бери чанг бўрони қайд этилди. Бу ҳақда Ўзгидромет етакчи мутахассиси Эркин Абдулахатов маълум қилди.
"Соат 18:30 га келиб Термизда чанг бўронлари давом этмоқда", - дейилади хабарда.
Қайд этилишича, бўрон туфайли баъзи йўлларда кўриш 200 метргача пасайган. Бу ҳолда шамол тезлиги 15 м/с.га етади. Атмосфера босими ва намлиги ошади, шунинг учун ёғингарчилик эҳтимоли ортади.
