Ўзбекистонда зўравонликка қарши мустақил "Nemolchi" лойиҳа асосчиси Ирина Матвиенко ўлим таҳдиди туфайли мамлакатни вақтинча тарк этишга мажбур бўлди. Бу ҳақда Telegram'даги каналида маълум қилди.
Апрель ойи охирида унга таҳдидли хабар келди. Номаълум шахс фаолни ой охиригача ўлдиришга мажбур бўлганини ёзган. Шу билан бирга, у ҳақидаги барча маълумотларни билишини айтган.
Кейинроқ Ирина Матвиенко Ўзбекистонни бир неча ҳафтага тарк этганини маълум қилди.
"Ўлим таҳдидини олганимдан кейин хатти-ҳаракатларим ўзгарди. Мен унга кимнингдир аҳмоқ ҳазилидек муносабатда бўлишга ҳаракат қилдим, лекин подъездга киришга, коридор бўйлаб офисга бориш қўрқинчли эди.
Якуний қарорни ўтган ҳафта психолог билан машғулотдан сўнг қабул қилдим. Унинг сўзларига кўра, хабарнинг услуби психопатникига ўхшайди. Бу баҳорда одатдагидан кўра руҳий касалликларнинг кўп кучайиши мавжуд. Бу психопат мени ўлдириши мумкин. Шунинг учун мен бир неча ҳафтага мамлакатни тарк этишим керак деб ўйладим", - деб ёзади Ирина Матвиенко.
Ҳозирда у Грузияда. Шунингдек, у албатта қайтиб келишини қўшимча қилди.