Ўзбекистон президенти Шавкат Мирзиёев рафиқаси билан бирга Германия Федерал президенти Франк-Вальтер Штайнмайернинг таклифига биноан 2 май куни ташриф билан Берлинга келди. Бу ҳақда Ўзбекистон президенти Матбуот хизмати хабар берди.
“Берлин-Бранденбург” аэропортида Ўзбекистон етакчисининг ташрифи муносабати билан икки мамлакат байроқлари кўтарилди, фахрий қоровул саф тортди.
Олий мартабали меҳмонни Германиянинг расмий шахслари кутиб олди.
Бугун давлат раҳбари Федерал Канцлер Олаф Шольц билан учрашув ўтказади.
