Ушбу ҳолат жорий йилнинг 13 апрель куни соат 10:50 атрофида Яшнобод тумани Маҳтумқули кўчасида содир бўлган. 2002 йилда туғилган Р.И. Lacetti автомашинасини бошқариб келаётиб, тартибга солинмаган пиёдалар ўтиш жойидан йўлни кесиб ўтаётган пиёда 1976 йилда туғилган У.Э.ни уриб юбориши оқибатида йўл-транспорт ҳодисасини содир этган.
ЙТҲ натижасида пиёда тан жароҳати олиб шифохонага ётқизилган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 1-қисми билан жиноят иши қўзғатилиб, тергов ҳаракатлари давом эттирилмоқда.