Тошкентда 16 ёшли қиз жанжал сабаб бинонинг 3-қаватидан ўзини ташлади. Бу ҳақда "Миллар" дастурида маълум қилинди.
Қайд этилишича, узоқ вилоятдан бўлган қиз Тошкентда бошқа қизлар билан ижарада яшаб келган. Қиз яшаб келган уйда келиб чиққан жанжал сабаб ўзини 3-қаватдан ташлаб юборган.
Шифокорнинг айтишича, бемор олиб келинганда унинг умумий аҳволи оғир бўлган. Унга мия чайқалиши, қориннинг ёпиқ жароҳати ва ўнг болдир ва товон суякларининг синиши ташҳиси қўйилган. Қизнинг қаерда ишлаши ёки ўқиши ҳақида ҳозирча маълумот берилмаган.
Ҳозирда қиз шифохонада даволанмоқда.
