Навоийда 100минг сўмлик купюралардан 10 донасини қалбакилаштириб, муомала киритишга уринган шахс қўлга олинган. Бу ҳақда ИИВ Ахборот хизмати маълум қилди.
Аниқланишича, Зарафшон шаҳрида туғилган 17 ёшли бола қалбаки пулларни бир нечта савдо дўконларига ўтказган. Сохта пулларга эса ширинлик ва тетиклаштирувчи ичимликлар харид қилиб, қайтим учун берилган ҳақиқий пулларга эга бўлган.
"Энди уйдагиларимнинг юзига қарай олмайман. Қайтиб бу йўлга кирмайман",- дейди 17 ёшли айбланувчи.
Ҳозирда мазкур ҳолат юзасидан терговга қадар суриштирув ишлари олиб борилмоқда.
