Бугун Перу пойтахти Лима шаҳрида ўқ отиш спорти бўйича Жаҳон кубоги босқичи старт олади. Унда иштирок этадиган Ўзбекистон терма жамоаси масъулиятли мусобақадан аввал Жанубий Америка очиқ кубогида қатнашди.
Мазкур турнирнинг биринчи кунида пневматик милтиқдан отиш дастурида ўзбекистонлик спортчилар иккита олтин медалга сазовор бўлди. Шундан сўнг спортчилар яна 2 та олтин, 1 та кумуш ва 2 та бронза медаллар шодасини қўлга киритишди. Ўзбекистонлик спортчилар ушбу мусобақада жами 7 та медаль жамғарди. Бу ҳақда Миллий Олимпия Қўмитаси ахборот хизмати хабар берди.
Олтин медаль:
Пневматик тўппонча, микст: Муҳаммад Камалов, Ситора Эргашбоева
Пневматик тўппонча, эркаклар ўртасида жамоавий дастур
Пневматик милтиқ, эркаклар: Жавоҳир Соҳибов
Пневматик милтиқ, аёллар: Гулбону Қамбарбекова
Кумуш медаль:
Пневматик тўппонча, эркаклар: Муҳаммад Камалов
Бронза медаль:
Пневматик милтиқ, микст: Жавоҳир Соҳибов, Гулбону Қамбарбекова
Пневматик тўппонча, эркаклар: Владимир Свечников
