Жорий йилнинг 10 апрель куни соат 17:30 атрофида Тошкент шаҳар Миробод туманида жойлашган 110-сонли мактабда 2009 йилда туғилган, шу мактабнинг 8-синф ўқувчиси М.С. вафот этди, дея UzNews.uz'га хабар бермоқда Бош пркоуратура матбуот хизмати бошлиғи Хаёт Шамсутдинов.
Мазкур мактаб кузатув камераси видеоёзувлари ўрганилганида, ҳодиса жойида жанжал ёки келишмовчилик бўлмагани маълум бўлди.
Суд-тиббий экспертизасининг хулосасига кўра, М.С. ўлимига "ошқозон ости безига кенг кўламли қон қуйилиши, ўткир юрак қон-томир етишмовчилиги, ўнг кўз ёнида шилинма, ички аъзолари тўлақонлиги, бош мия ва ўпкалар шиши" сабаб бўлган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.