Сурхондарё вилоятида содир бўлган ЙТҲда икки киши ҳалок бўлди. Бу ҳақда "Замон" дастури хабар берди.
Жорий йилнинг 6 апрель куни Жарқўрғон тумани "Оқтепа" маҳалласи ҳудудидан ўтувчи M41 автомобиль йўлида Lacetti ҳамда Nexia иштирокида Йўл-транспорт ҳодисаси содир бўлган.
Аниқланишича, Денов—Термиз йўналишида ҳаракатланиб келаётган Lacetti автомашинаси ҳайдовчиси тезликни ошириб, нотўғри қувиб ўтишни амалга оширгани сабабли қарама-қарши йўналишда келаётган Nexia билан тўқнашиб кетган.
Ушбу ЙТҲ натижасида 34 ёшли Nexia ҳайдовчиси ва Lacetti'нинг олд ўриндиғида бўлган 24 ёшли йўловчи воқеа жойида вафот этган. Машиналар ичида бўлган қолган 6 нафар фуқаро эса турли даражадаги тан жароҳатлар билан шифохонага ётқизилган.