Қамчиқ довонида 3-4 та автомашина иштирокида Йўл-транспорт ҳодисаси содир бўлганлиги ҳақидаги хабар ижтимоий тармоқларга сиздирилди. Ушбу ҳолат юзасидан ФВВ маълумот берди.
Унга кўра, бугун 6 апрель куни соат 11:10 атрофида "Тошкент – Ўш" халқаро автомобиль йўлининг Қамчиқ довонига ўтувчи 259-километрида юк машинаси ва учта енгил автомобиль иштирокида ЙТҲ содир бўлди. Тўқнашув натижасида лак-бўёқ маҳсулотларини олиб кетаётган юк машинаси ёниб кетган.
ФВВнинг ёнғин-қутқарув гуруҳлари воқеа жойига етиб бориб, 25 дақиқа ичида ёнғинни ўчиришди. Ўчириш вақтида довоннинг бир томони вақтинча ёпилган.
Соат 12:30да транспорт ҳаракати тикланди. Дастлабки маълумотларга кўра, ЙТҲ оқибатида 6 киши жабрланган.