Яккасарой тумани Шота Руставели кўчасидаги 50-кўп қаватли уйнинг биринчи қаватида хусусий Лор клиникасининг соябони қулаб тушганлиги айтилган хабар ижтимоий тармоқларга сиздирилди. Ушбу ҳолат юзасидан Яккасарой тумани ҳокимлиги изоҳ берди.
"Бу ҳолат кучли ёмғир ёғиши ҳамда соябон устида сув йиғилиб қолиш сабабли юзага келган. Ҳолат зудлик билан Яккасарой туман ҳокимлиги ҳамда тадбиркор томонидан назоратга олинди. Бунинг оқибатида ҳеч кимга зиён етмаганлигини маълум қиламиз", — дейилади ҳокимлик хабарида.