Ўзгидромет хабарига кўра, бугун ва ҳафта давомида Ўзбекистон бўйича об-ҳавони юқори циклон белгилайди, бунинг натижасида республика бўйича вақти-вақти билан ёмғир ёғиши, момақалдироқ бўлиши кутилмоқда, 3-4 апрель кунлари Навоий, Самарқанд, Жиззах, Қашқадарё вилоятларининг баъзи жойларида ёмғир ёғиши кучли бўлади.
Кундузги ҳаво ҳарорати ҳафта давомида +20...+23 даражадан +15...+18 даражагача ўзгариб туради.
Республика бўйича ёмғир ёғиши, баъзи жойларда шамол тезлиги соатига 15-20 м/с гача кучайиши, айрим жойларда чанг тўзонлар, шунингдек дўл ёғиши билан кузатилади.
Республиканинг тоғ олди ва тоғли ҳудудларида вақти-вақти билан ёмғир ёғади, 3-6 апрель кунлари баъзи жойларда кучли бўлади. Баланд тоғ ҳудудларида 5-6 апрель кунлари ёмғир қорга айланиши мумкин.
3-4 апрель куни тоғ олди ва тоғли ҳудудларда сел-сув тошқин ҳодисалари юзага келиши мумкин.
3-7 апрель куни Тошкент вилоятининг тоғли ҳудудларида 2000 м дан юқорида қор кўчиши хавфи бор.
Тошкентда 4 апрелдан 6 апрелгача вақти-вақти билан ёмғир ёғади, момақалдироқ бўлади, дўл ёғиши мумкин. Шамол ўзгарувчан йўналишда кучсиз 5-10 м/с дан бироз 12-15 м/с гача эсади. Бугун кундузги ҳаво ҳарорати +21...+23 даражани ташкил этади, ҳафта ўртасига келиб +16...+18 даражагача пасаяди.