Фарғона водийсида олтин қуймаларининг ноқонуний савдосига чек қўйилди. Бу ҳақда ДХХ Матбуот хизмати хабар берди.
Аниқланишича, муқаддам судланган 39 ёшли фуқаро Андижон шаҳрида яшовчи 42 ёшли наманганлик заргарга қуйма ҳолидаги 672 гр олтинни 40 минг долларга сотаётган вақтда қўлга олинган.
Тезкор тадбир Чуст вилоятида давом эттирилиб, қўлга олинган заргарнинг буйруғи билан 37 ёшли Kobalt ҳайдовчиси Олмалиқдан Наманганга оғирлиги 613 гр олтин олиб кетаётганида тўхтатилиб, ашёвий далиллар процессуал тартибда расмийлаштириб олинди.
Поп туманида Наманган шаҳрида яшовчи, муқаддам судланган 32 ёшли Ангрен шаҳрида яшовчи 35 ёшли фуқаро билан учрашиб, ундан оғирлиги 250 грамм бўлган 3 дона тилла қуймасини сотиб олган вақтида қўлга олинди.
Фарғона водийсида ҳуқуқ-тартибот идоралари ходимлари томонидан ўтказилган тезкор тадбирлар натижасида 1 миллиард 124 миллион сўмлик 1 килограмм 535 гр олтин мусодара қилинди.
Аниқланган ҳолатлар бўйича жиноят ишлари қўзғатилган.