Ўзгидромет хабарига кўра, 9-11 октябрда Ўзбекистон ҳудудига Каспий денгизи орқали Россиянинг Европа қисми (Москва вилояти) устида шаклланган совуқ ва нам ҳаво массалари кириб келади.
Ҳаво ҳарорати +10…+12 даражага пасайиши кутилмоқда. Шу кунлари кундузги ҳарорат +10…+13 даража, 10-11 октябрда эса кечалари +2…+5 даражани ташкил этади. Шимолда 9-10 октябрда кечалари баъзи жойларда 0..-3 даражагача бўлади.
Дам олиш кунлари республика бўйича баъзи жойларда ёмғир ёғади. Тоғлардаги баъзи жойларда ёғингарчилик кучли бўлади, кўринувчанлик ёмонлашади.
Республика бўйича айрим ҳудудларда шамол тезлиги 17-22 м/с гача кучайиши кутилмоқда.
