"Поезд темирйўл рельсида одамни босиб кетди" номли хабар ижтимоий тармоқларга сиздирилди. Ушбу ҳолат юзасидан Транспорт прокуратураси муносабат билдирди.
Жорий йилнинг 24 март куни соат 16:00 ларда 053-сонли “Қўнғирот-Тошкент” йўналишидаги йўловчи поезди “Элликқалъа-Тўрткўл” бекатлари оралиғида ҳаракатланиб келаётган вақтда, 1979 йилда туғилган фуқаро Х.Ш. эҳтиётсизлиги оқибатида поезд йўлига чиқиб қолган ва поезд уни босиб кетган.
Олган тан жароҳатлари натижасида фуқаро Х.Ш. воқеа жойида вафот этган.
Ҳозирги вақтда мазкур ҳолат юзасидан Оролбўйи транспорт прокуратураси томонидан терговга қадар текширув ҳаракатлари олиб борилмоқда.