Маълум қилинишича, 1996 йилда туғилган самарқандлик Ж.Й. маҳаллий фуқарони 50 минг АҚШ доллари эвазига "Тошкент-Европа-Мексика" йўналиши орқали АҚШга жўнатишни ваъда қилган. У зарур ҳужжатларни расмийлаштириш учун фуқаро Н.Т.дан "аванс" сифатида 10 минг АҚШ долларини олаётган вақтида ашёвий далиллар билан қўлга олинди.
Ж.Й.га тегишли автомашина кўздан кечирилганида фуқаро Н.Т.га тегишли хорижга чиқиш паспорти, унинг қизининг ID-картаси, туғилганлик ҳақидаги гувоҳнома ва бошқа ҳужжатлар борлиги аниқланиб, ашёвий далиллар тегишли тартибда расмийлаштириб олинди.
Ҳозирда ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.