Ўзгидромет хабарига кўра, бугун, 24 март куни Ўзбекистон ҳудуди бўйича ҳаво асосан кам булутли бўлади, ёғингарчилик кутилмайди. Жанубда ва чўл ҳудудларидаги баъзи жойларда шамол 15-18 м/с гача кучайиши, айрим ҳудудларда чанг тўзони кузатилиши мумкин. Ҳаво ҳарорати +20...+23 даражага бўлади.
Шанба ва якшанба кунлари республика ҳудуди бўйича қуруқ ва илиқ об-ҳаво сақланиб туради. Кундузги ҳаво ҳарорати кўтарилиб, +23...+25 даражани, шимолда, жанубда ва чўл ҳудудларида +27...+29 даражани ташкил этади.
Республика тоғли ҳудудларининг баъзи жойларида 24-26 март кунлари ёмғир ёғиши, баланд тоғларда ёғингарчилик (ёмғир, қор) бўлиши мумкин.
Пойтахтда ҳаво бироз булутли бўлади, вақти-вақти билан ўзгариб туради, кучсиз шамол эсади. Ҳарорат кечаси +8...+10 даража, кундузи +22...+25 даража бўлади.