ФВВ Матбуот хизматининг хабарига кўра, бугун, 23 март куни соат 16:55 ларда "Қамчиқ" довонидан ўтган 255 километрда “Водий-Тошкент” йўналиши бўйича ҳаракатланган калава ип ортилган IVEKO русумли юк машинаси кабина қисмида юзага келган қисқа туташув натижасида ёнғин содир бўлган.
Зудлик билан айтилган манзилга 2 та ёнғин-қутқарув экипажи етиб бориб ёнғин бартараф этилган.
Маълум қилинишича, ҳодиса оқибатида тан жароҳати олган ва ҳалок бўлганлар йўқ.