Аввалроқ, Қашқадарё вилояти Китоб тумани тиббиёт бирлашмаси шифокори таъмагирлик қилгани акс этган видео тарқалди.
Соғлиқни сақлаш вазирлигининг маълумот беришича, вазирлик мазкур ҳолатни зудлик билан ўз назоратига олиб, зарур чора-тадбирларни белгилаган. Хусусан, туғруқ бўлими акушер-гинекологи Х.Г. ва доя Н.Н. ишдан бўшатилиб, тўпланган дастлабки ҳужжатлар ҳуқуқни муҳофаза қилиш идораларига тақдим этилди.
Айни пайтда вазирлик ва ҳуқуқ-тартибот идоралари ҳамкорлигида ўрганиш ишлари олиб борилмоқда. Унинг натижалари бўйича қўшимча маълумот тақдим этилади.
