Қозоғистон Энергетика вазирлиги томонидан тасдиқланган нефть етказиб бериш жадвалига мувофиқ, «КазТрансОйл» АЖ март ойида Қозоғистон орқали Ўзбекистонга 25 минг тонна Россия нефтини ташишни режалаштирмоқда. Бу ҳақда Қозоғистон нефть қувурлари компанияси матбуот хизмати хабар берди.
Нефтни ташиш Омск - Павлодар - Чимкент - Шағир йўналиши бўйича нефтни қуйиш стендлари (темир йўл цистерналарига юклаш) бўйлаб амалга оширилади.
Қайд этилишича, 2023 йилда «КазТрансОйл» АЖ магистрал нефть қувурлари тизими орқали Россия нефтининг Ўзбекистонга транзити кутилаётган ҳажми 250 минг тоннани ташкил қилади.