Бош прокуратура матбуот котиби Ҳаёт Шамсутдиновнинг хабар қилишича, 23 январь куни Dili.me номи билан танилган блогер Ў.Д. шериклари билан жамиятда юриш-туриш қоидаларини қасддан менсимасдан ўзининг синглисининг турмуш ўртоғи П.А.ни уриб, тан жароҳати етказган.
Мазкур ҳолат юзасидан Яшнобод туман прокуратураси томонидан Жиноят кодексининг 277-моддаси (Безорилик) билан жиноят иши қўзғатилган.
Жиноят иши бўйича гумонланувчи бир неча маротаба чақиртирилишига қарамасдан терговга келишдан бўйин товлаб келган.
Шу сабабли унга нисбатан қидирув эълон қилинган бўлиб, олиб борилган тезкор қидирув ҳаракатлари давомида Ў.Д. 10 март куни ушланган ҳамда терговга жалб қилинган.
Ҳозирда Яшнобод туман ИИО ФМБ ҳузуридаги ТБ томонидан тергов ҳаракатлари олиб борилмоқда.