"Ҳудудгаз Пойтахт" газ таъминоти филиали матбуот хизматининг маълум қилишича, Тошкентнинг Чилонзор ва Мирзо Улуғбек туманларида жорий йилнинг 16 март куни соат 10:00 дан 17:00 га қадар табиий газ таъминоти вақтинчалик тўхтатилади.
Чилонзор тумани Бунёдкор кўчаси, "Новза" метро бекати ёнидаги, ўрта босимли ер ости д-89 ммли газ қувурида ва Чилонзор мавзесидаги "Metro market" биноси ёнидан ўтган, ўрта босимли ер ости д-57 ммли газ қувурида газ сизиб чиқиш ҳолати аниқланган.
Ҳолатни бартараф қилиш ишлари "Ҳудудгаз Пойтахт" ГТФнинг "Чилонзортумангаз" газ таъминоти бўлими томонидан амалга оширилиши режалаштирилган.
Чилонзор туманида:
— "Чилонзор" МФЙдаги жами 1 890 та уй хўжаликлари ҳамда кўп қаватли уйлардаги аҳоли хонадонларида;
— "Чарх комолон" МФЙдаги 894 та;
— "2- Чарх комолон" МФЙда жойлашган кўп қаватли уйлардаги жами 2 240 та;
— "3- Чарх комолон" МФЙда жойлашган кўп қаватли уйлардаги жами 2 460 та;
— "Катта Чилонзор 1" МФЙда (1-мавзе) жойлашган кўп қаватли уйлардаги жами 2 180 та;
— "Катта Чилонзор 2" МФЙда (2-мавзе) жойлашган кўп қаватли уйлардаги жами 2 284 та;
— "Катта Чилонзор 3" МФЙда (3-мавзе) жойлашган кўп қаватли уйлардаги жами 2 470 та;
— "Новза" МФЙда (4-24-мавзелар) жойлашган кўп қаватли уйлардаги жами 2 880 та;
— "Бешчинор" МФЙда (5-мавзе) жойлашган кўп қаватли уйлардаги жами 2 320 та;
— "Дилобод", "Халқлар дўстлиги" МФЙларида (6-мавзе) жойлашган кўп қаватли уйлардаги жами 3 220 та;
— Чилонзор 5-мавзеда жойлашган 1-2-3-4-49-50 кўп қаватли уйлардаги жами 504 та аҳоли хонадонларида;
Қолаверса, Мирзо Улуғбек туманининг "Пастки юз" МФЙдаги 367 та уй хўжаликларида ҳам табиий газ таъминоти вақтинчалик тўхтатилади.
