Жорий йилнинг 13 март куни Жиззах вилояти Шароф Рашидов туманидаги кўчаларнинг бирида Nexia автомашинаси ҳайдовчиси йўналишдаги бошқа ҳайдовчиларга халақит қилган ҳолда автомашинани бошқаргани ва ушбу автомобилда йўловчи сифатида кетаётган шахс ҳаракат вақтида танасини автомашинадан чиқаргани акс этган видео ижтимоий тармоқларга сиздирилди.
Ушбу ҳолат бўйича суриштирув давомида бу қоидабузарликни содир этган ҳайдовчининг шахсига аниқлик киритилди. Автомашинани бошқарган ҳайдовчи ва ҳаракат вақтида машинадан танасини чиқарган йўловчига тегишли тартибда чора кўрилди ҳамда автомашина вақтинчалик сақлаш учун жарима майдончасига жойлаштирилди.