Спорт гимнастикаси бўйича Ўзбекистон терма жамоаси аъзоси Оксана Чусовитина Бокуда ўтаётган Жаҳон кубогининг учинчи босқичини ҳам медаль билан якунлади. Оксана таяниб сакраш дастурида кумуш медални қўлга киритди.
Икки уриниш натижасига кўра, Оксананинг чиқиши ҳакамлар томонидан 13.433 балл билан баҳоланди. Ўзбекистонлик спортчи фақатгина франциялик Колин Деваллардан камроқ балл тўплади. Шу тариқа, спортчи қаторасига учинчи бор Жаҳон кубогида шоҳсупага кўтарилмоқда. Бундан аввалги босқичларда у бронза медалларига сазовор бўлган эди.
Таяниб сакраш, аёллар:
Олтин: Колин Деваллар (Франция) – 13.683
Кумуш: Оксана Чусовитина (Ўзбекистон) – 13.433
Бронза: Линмин Ю (Хитой) – 13.383
