Поиск
RUUZ

Политика

Конституцияга ўзгартишларнинг якуний таҳрири тайёр бўлди

Президент Конституцияга ўзгартириш киритиш бўйича халқ томонидан келиб тушган таклифлар якунларини депутатлар, Сенат аъзолари ва Олий суд раҳбарияти билан маслаҳат қилди.

224views0replies
0

president.uz

Бугун, 6 март куни Ўзбекистон президенти Шавкат Мирзиёев Олий Мажлис Қонунчилик палатаси депутатлари ва Сенати аъзолари, Олий суд раҳбарияти билан учрашди. Бу ҳақда президент матбуот котиби Шерзод Асадов хабар берди.
Қайд этилишича, учрашувда Конституцияга ўзгартириш ва қўшимчалар киритиш юзасидан халқ томонидан келиб тушган таклифлар якунлари бўйича маслаҳатлашув бўлиб ўтган.
Депутатлар жамоатчилик томонидан юборилган 200 мингдан ортиқ таклифларнинг ҳар бирини синчиклаб ўрганиб чиқишди. Бунда халқаро тажриба ҳам инобатга олинди, турли соҳалардан етук мутахассислар ва экспертлар жалб этилди.
Бир неча ой давом этган ўрганишлар натижасида Ўзбекистон Конституциясига ўзгартириш ва қўшимчалар киритиш тўғрисидаги Конституциявий қонун лойиҳасининг якуний таҳрири тайёрланди.
"Мазкур қонун лойиҳасида ижтимоий-иқтисодий, сиёсий ва давлат бошқаруви соҳаларига оид ўта муҳим ўзгаришлар акс этгани сабабли қонун лойиҳасини референдумга қўйишдан аввал депутатлар Ўзбекистон Конституциясининг 83-моддасида белгиланган қонунчилик ташаббусига эга субъектлар билан маслаҳатлашувлар ўтказмоқда.
Бунда парламент ва ҳукумат, жамоатчилик вакиллари қонун лойиҳасига ўз таклифлари ва фикр-мулоҳазаларини билдирмоқда. Шунингдек, мазкур қонун лойиҳаси Конституциявий суд томонидан алоҳида кўриб чиқилиши ва хулоса берилиши қайд этилди. Маслаҳатлашувлар давом этади", - дейилади хабарда.
224views0replies
0

Комментарии