Ўзгидромет хабарига кўра, бугун Ўзбекистон ҳудуди бўйича ҳаво булутли бўлади, ёғингарчилик кутилмайди, фақат Тошкент вилоятининг тоғолди ва тоғли ҳудудларида ёмғир ёғади.
Эртага, 4 мартда республиканинг шимоли-ғарбий ҳудудларига Кавказ ҳудудларидан нам ҳаво массалари кириб келиши бошланади. Қорақалпоғистонда баъзи жойларда бироз ёмғир ёғиши мумкин. 5 мартда нам ҳаво массаси Ўзбекистоннинг барча ҳудудларига тарқалади. Республика бўйича баъзи жойларда ёмғир ёғади. Қорақалпоғистон Хоразм вилоятида ва Фарғона водийси вилоятларида ёғингарчилик кутилмайди.
Кундузги ҳаво ҳарорати +21...+24 даража, ёмғир пайтида +18...+20 даража атрофида бўлади.
3-5 март кунлари республика бўйича баъзи жойларда шамол тезлиги 15-20 м/с гача кучайиши, айрим жойларда чанг-тўзон билан кузатилади. Навоий ва Жиззах вилоятларида 5 мартда 22-25 м/с.гача кучайиши мумкин.
Пойтахтда 3-4 март кунлари ҳаво кам булутли бўлади, ёғингарчилик кутилмайди. 5 мартда бироз ёмғир ёғади. Шамол шарқдан 5-10 м/с тезликда эсади, 5-мартда 12-15 м/с гача кучайиши мумкин.
Ҳаво ҳарорати бугун кундузи +17...+19 даражани, шанба ва якшанба кунлари +19...+21 даражани ташкил этади.
