Сирдарё вилоятидаги бир оилани Америка Қўшма Штатларига юборишини ваъда қилган фирибгар ушланди. Бу ҳақда Прокуратура департаменти хабар бермоқда.
Ўтказилган тезкор тадбирда Сирдарё вилояти муқаддам товламачилик ва бошқа жиноятлари учун судланган О.А. фуқаро Б.Ж.нинг ишончига кириб, Б.Ж. ва унинг турмуш ўртоғини танишлари ёрдамида 40 000 АҚШ доллари эвазига Америка Қўшма Штатларига юборишини ваъда қилган. У бунинг учун олдиндан 12 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.