Аввалроқ, ижтимоий тармоқда Жиззах шаҳридаги мактабларнинг бирида 3 нафар ўқувчини синфдош қизнинг отаси калтаклагани акс этган видео тарқалди.
Жиззах вилояти ИИБ Матбуот хизматининг хабарига кўра, ҳолат Жиззах шаҳридаги 11-сонли ўрта умумтаълим мактабида рўй берган.
Жабрланган ўқувчининг онаси ҳолат юзасидан ички ишлар органларига мурожаат қилган. Шу асосида ўтказилган суд-тиббий экспертизаси ўқувчига соғлигининг бузилишига олиб келган тан жароҳати етказилганлигини тасдиқлаган.
Мазкур ҳолат юзасидан фуқаро Б.М.га нисбатан ЖКнинг 109- моддаси (Қасддан баданга енгил шикаст етказиш) 2-қисми билан жиноят иши қўзғатилган бўлиб, тергов ҳаракатлари олиб борилмоқда.
