Миралимов Миржамол Бухоро вилояти Ички ишлар бошқармаси бошлиғи лавозимига тайинланди. Бу ҳақда вазирлик Матбуот хизмати хабар берди.
Тайинлов бугун, 24 февраль куни Бухорода бўлиб ўтган ИИВ раҳбари Пўлат Бобожонов иштирокидаги йиғилишда маълум қилинган.
Маълумот учун, Миржамол Миралимов мазкур тайинловга қадар ички ишлар вазирининг биринчи ўринбосари — тезкор-қидирув департаменти бошлиғи эди.
Эслатиб ўтамиз, Бухоро вилояти ИИБнинг аввалги раҳбари Шуҳрат Алиев Наманган вилояти ИИБга раҳбар бўлди.
Наманган вилояти ИИБнинг бошлиғи Шавкат Раҳмонов Наврўзович эса ички ишлар вазирининг биринчи ўринбосари — тезкор-қидирув департаменти бошлиғи лавозимига тайинланганди.